Orodha Endelevu – Upungufu / Ubaya —

Home	Encyclopaedia

Personal tools

You are here: Home → Encyclopaedia → Mada → Usajili wa Wapigakura → Mambo ya Kijumla → Rejista Endelevu → Orodha Endelevu – Upungufu / Ubaya

face

Voter Registration

Topic IndexOrodha Endelevu – Upungufu / Ubaya

Orodha endelevu ina udhaifu kadhaa:

Halmashauri ya kusimamia uchaguzi huhitaji wafanyakazi wa kudumu kuliko ingevyokuwa na orodha ya muda. Hivyo basi itahitaji pesa nyingi.
Wafanyakazi wengi wa kudumu wa halmashauri ya kusimamia uchaguzi watahitajika kuwa na ujuzi na mafunzo zaidi. Hivyo basi huenda wakahitaji mafunzo ya kuwakuza kitaaluma.
Wafanyakazi zaidi na ujuzi mwingi vinaweza kutoshana na mfumo wa kitaaluma wa kusimamia uchaguzi. Hata hivyo, idadi ya wafanyakazi na utaalamu vitakuwa na gharama yake. Orodha endelevu husawazisha gharama ya ziada lakini haiweezi kufanya zoezi la usajili wa watu kuwa wa gharama ya chini. Badala yake husambaza gharma hiyo katika muhula mzima wa uchaguzi.
Halmashauri ya kusimamia uchaguzi inahitaji wafanyakazi walio na ujuzi wa kiufundi, hasa walio na ujuzi wa tarakilishi ili waweze kutunza na kuendelea kusasaisha taarifa.
Raia hawana budi kukubali kuitikia mwito kwao wa kusasaisha taarifa kuwahusu au halmashauri ya kusimamia uchaguzi inapaswa kuwa na mpangilio mzuri wa kutumia deta kwa ushirikiano na mashirika mengine. La sivyo, idadi ya masahihisho inaweza kuwa kubwa zaidi katika hatua ya mwisho ya maandalizi ya orodha.
Halmashauri ya kusimamia uchaguzi inapaswa kuzingatia kwa uangalifu, ulinganifu wa orodha hiyo. Matatizo makubwa yametokea katika nchi ambamo utunzaji wa rejista ya wapigakura umekosekana au haujawa mzuri. Kuendelea kuongeza majina kwenye orodha isiyoaminika hutokeza uwezekano wa udanganyifu katika kura au pengine kashfa kubwa inayotarajiwa ya kiusimamizi.
Uangalifu ni muhimu pia katika kuhakikisha kwamba orodha ya wapigakura inaaminika. Katika maeneo mengi, raia huwa waangalifu kuhusu sana katika kutoa taarifa zao miongoni mwa mashirika mbalimbali ya serikali. Katika kukusanya taarifa na kuisasaisha katika orodha endelevu, halmashauri ya kusimamia uchaguzi hukubali jukumu la kutunza usalama wa taarifa hiyo. Ikikosa kutimiza jukumu hilo, sifa yake kama shirika huru na la kitaaluma hutoweka.
Kusasaisha taarifa mara nyingi huhitaji ushirikiano mkubwa kati ya matawi mbalimbali ya serikali. Hili linawezekana tu kukiwa na muundo na mwelekeo mzuri wa usimamizi.
Kukiwa na rejista endelevu, mabadiliko katika demografia isiyo na msimamo inapaswa kutambuliwa na kuchunguzwa. Kwa makisio fulani, kati ya asilimia 20 na 25 ya watu wanaoishi katika miji mikubwa huhama kila mwaka. Wengine asilimia 2 hadi 4 hivi ya wapigakura watafikisha umri wa kupiga kura katika mwaka huo na wengine kama hao watafariki au wakose kuafiki mahitaji ya kustahi kupiga kura. Kutokana na mabadiliko haya ya kijumla kwa miaka minne au mitano hivi ni kibarua kizito kuhakikisha kwamba orodha endelevu inakuwa na usasa. Kwa bahati nzuri, mabadiliko hayo ya kidemografia si ya kinasibu. Yanaweza kuchunguzwa kwa kulenga wapigakura Fulani ili kupewa uzito katika shughuli hiyo.
Katika mifumo yote ya usajili endelevu wa wapigakura, kuna pengo kati ya wakati mabadiliko yanapofanyika na wakati yanaporekodiwa na kwenye orodha ya wapigakura. Pengo hilo ni kubwa kiasi kwa mbinu nyingine za masahihisho hasa na uwezekano kwamba orodha hiyo ya wapigakura itakuwa dhaifu katika misingi ya usasa. Suluhisho la tatizo hili ni kuruhusu usajili kufanyika siku ya uchaguzi. Hali hii inaweza kuondoa kabisa atiati kuhusu usasa kwa kuwa wapigakura wote wana fursa ya kuleta taarifa yote ya kisasa kuwahusu, itakayohitajika kwa usajili wao kwenye vituo vya upigaji kura. Hata hivyo kuna udhaifu:
Moja katika kazi za orodha ya wapigakura ni kutenganisha jukumu la kukagua wapigakura stahifu kutoka upigaji kura wenyewe. Ikiwa idadi kubwa ya wapigakura watajisajili kwenye vituo vya upigaji kura, hili litadunisha umuhimu wa rejista na huenda ukazidisha kabisa muda utakaochukuliwa katika kupiga kura.
Suala jingine ni jinsi wapigakura wanavyothibitisha utambulisho wao. Ikiwa usajili unafanyiwa kwenye vituo vya upigaji kura, ni lazima kuwe na uhakika wa hali ya juu kwamba mpigakura anayedaiwa kuwa ndiye, ni yeye na anaafiki mahitaji yote ya kustahi kupiga kura.

Sajili ya Raia