Hatua za mwanzo za kutayarisha orodha endelevu ya wapigakura zinafanana na zile za kutayarisha orodha ya muda. Tofauti kuu iliyopo ni kwamba baada ya usajili wa mwanzo, taarifa iliyokusanywa inakuwa msingi wa orodha endelevu, na juhudi nyingine zitakazofuatia baadaye hujikita katika kukagua ulinganifuwa deta hiyo na kuisasaisha orodha hiyo mara kwa mara. Aina ya taarifa iliyokusanywa inaweza kurahisisha shughuli ya kutunza orodha hiyo. Kwa mfano, ni kawaida kupata watu zaidi ya mmoja wakiwa na majina sawa; hivyo basi vitambulisho vya kipekee (k.m. siku ya kuzaliwa au nambari ya kitambulisho cha uraia) vinahitajika ili kuwatofautisha.
Kinyume cha haya, orodha ya muda hutengenezwa ili itumiwe kwa tukio moja pekee uchaguzi. Wakati mwingine hutumia taarifa kutoka kwenye orodha za awali lakini hakuna orodha madhubuti ya wapigakura katika mfumo unaotumia orodha ya muda, kama ilivyo katika mfumo unaotumia orodha endelevu.
Kupungua kwa Haja ya Vituo vya Usajili
Baada ya shughuli ya usajili wa mwanzo ili kupata orodha endelevu, halmashauri ya kusimamia uchaguzi inaweza kuvunjilia mbali vituo vingi vya usajili na kufungulia vichache kwa watu watakaotaka kujisajili au kusasaisha taarifa zao za usajili. Licha ya idadi ndogo, vituo vya usajili mara nyingi huwakilisha kipengele muhimu cha gharama kwenye mfumo wa orodha endelevu. Gharama hiyo inaweza kupunguzwa na mbinu mpya za kutunza orodha kielektroniki ambazo hutoa deta kutoka sehemu mbalimbali – mwelekeo unaofanana na ule wa ukusanyaji deta wa sajili ya raia.
Mara nyingi kuna kituo kimoja cha usajili katika kila wilaya au kaunti. Uchaguzi unapoitishwa, halmashauri ya kusimamia uchaguzi inaweza kuongeza idadi ya vituo au kubuni vituo vingine vya kuhamishwa katika sehemu ambako viwango vya usajili vimekuwa chini katika siku za awali. Halmashauri ya kusimamia uchaguzi inapaswa kujenga mikakati mwafaka ya utendakazi (kwa misingi ya usasa, ulinganifu na ukamilifu) na kujaribu kuimarisha utendakazi.
Ni lazima Kusahihisha Taarifa kwa Wakati mwafaka
Orodha endelevu inaweza kuzeeka. Mikakati ya utendakazi – kwa mfano, kuhusu usasa wa orodha – unaweza kusaidia kutambua udhaifu na kuonyesha jinsi ya kuimarisha hali hiyo.
Katika eneo moja, makataa ya kuwasilisha mabadiliko katika taarifa za wanafunzi yanaweza kucheleweshwa, na orodha ya mwanzo ya wapigakura huchapishwa mwishoni mwa Novemba kila mwaka. Wakati kisha hutengewa kuwasilisha malalamishi na mikinzano, na hivyo orodha ya mwisho huchapishwa takribani miezi minne baadaye tarehe 15 Februari. Orodha hii husalia katika matumizi kuanzia tarehe 16 Februari hadi 15 Februari mwaka wa unaofuata, au miezi 16 baada ya kuwasilisha mabadiliko hayo ya taarifa. Wapigakura waliohamia katika maeneo mengine ya uchaguzi katika muda huo hawawezi kupiga kura katika maeneo hayo mapya – hali maalumu kabisa ya kunyimwa haki na usimamizi. Eneo hilo limetanguliza mabadiliko hayo ili kuruhusu usasaishaji deta wa mara kwa mara kwenye orodha ya wapigakura.
Ijapokuwa eneo hili linaelezwa rasmi kama linalotumia orodha endelevu, kwa hakika inalazimu upugaji picha za haraka kwa kila mwaka za wapigakura na kueleza ustahifu wa wapigakura kwa misingi ya taarifa iliyokusanywa wakati wa zoezi hilo la haraka badala ya kuendelea katika mwaka mzima. Mfano huu ni mchanganyiko kati ya orodha ya muda na endelevu. Maeneo mengineyaliyo na orodha endelevu huisasaisha kila mara; yanaweza kufanya shughuli za kila mweiz za kugawana deta na mashirika mengine yanayoshughulikia umma ili kujumuisha taarifa iliyotolewa moja kwa moja na wapigakura.
Marekani kote, makataa ya usajili ni siku 30 kabla ya uchaguzi, na maeneo mengi hutaka orodha za wapigakura zitolewe wiki mbili kabla ya ucahguzi huo.
